AKTUALITET

Ministria e Ekonomisë akuzon Avokatin e Shtetit, ja pse dështoi projekti në Karpen

11:01 - 27.03.17 gsh.al
GSH APP Download on Apple Store Get it on Google Play




Ministria e Ekonomisë në kuadër të një analizë pune për vitin 2016 ka bërë me dije se procedurat e zgjatura nga Avokatura e Shtetit sollën mosrealizim e projektit “Projektimi, ndërtimi, operimi, mirëmbajtja dhe menaxhimi i portit të Karpenit, zonës mbështetëse të portit dhe asaj ekonomike”.

Projekti i shpallur në fundverën e vitit të kaluar ngjalli mjaft interes dhe mbi të gjitha skepticizëm, pasi  projektligji për ndërtimin e një porti gjigant në Karpen të Kavajës, me vlerë 5 miliardë dollarë ishte sa gjysma e prodhimit të brendshëm të Shqipërisë.

Projekti, sipas draftit parashihte investim në një port të thellë që mundëson hyrjen e anijeve tregtare, zonë ekonomike dhe logjistike dhe ndërtimin e një terminali rigazifikimi LNG dhe një centrali për prodhim energjie (central energjie me gaz ose biomase), duke mundësuar hapjen e 70 mijë vendeve pune.

Por projekti nuk u shoqërua me një plan financiar të qartë për mënyrën se si do të financohej. Mediat zbuluan se projekti zotërohej nga një grup kompanish ofshore.

Ministria e ekonomisë më tej në analizën e saj per punën me 2016 ndalet në faktin se shpenzimet për investime janë realizuar në masën 81%.

“Mosparaqitja e faturave për likuidimin e TVSH-së, pranë Aparatit të Ministrisë, diferencat nga procesi prokurimeve, ndërmjet fondeve të planifikuara dhe atyre të kontraktuara,  mos funksionimi i plotë i ISHMT-s, (Inspektoriati Shtetëror i Mbikëqyrjes së tregut) mospërcaktimiiselisë të këtij institucioni dhe si pasojë nuk u realizuan investimet e planifikuara për ISHMT-n” ishin disa nga arsyet pse investimet e planifikuara nga Ministria e Ekonomisë nuk u realizuan 100%.

Nga ana tjetër mos plotësimi i kushteve të kontratës të operatorit fitues të projektit të DPM, për shkak të procedurave të zgjatura nga shteti i kompanisë fituese;  ndryshimi i disa projekteve me kërkesë të Kryeministrisë, siç janë rastet e përdorimit të fondeve të AIDA-s prej 29 mln lekë për projektin “Krijimin e fondit në mbështetje të mikrondërmarrjeve, të vogla dhe të mesme që ushtrojnë aktivitetet në zonat turistike/historike”, ndikuan planin e investimeve. /Monitor


Shfaq Komentet (1)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.

  1. Fatkeqesi, vertet keta qeveritare jene kaq te paditur apo tallen.Sido qofte eshte turp e qesharake ideja e “Pordhit te Karpenit”.Nuk eshte pare e degjuar qe nje port “Gjigand” te mdertohet ne det te hapur e ne cektine.(perjashtuar Dubain)Kushti kryesor qe te ndertohet nje Port eshte “Gjiri” qe pengon deprtimir e ererave e per pasoje dallgeve.Durrsi, Vlona, Shengjini,Himara,Saranda,Bari,Trieste,etj, etj,.Pune pastrim paresh, pune horrash.Nuk ja vlen.

    Përgjigju ↓