Xhani De Biazi është rikthyer fort në replika me kritikuesit e tij, tani që rezultatet në fushë nuk janë më si dikur. Në një intervistë për Opinion, ka shpjeguar marrëdhënien e vështirë me Taulant Xhakën dhe arsyet që çuan në braktisjen e kombëtares nga mesfushori i Bazelit.
Kur korrigjoi gazetarin Blendi Fevziu që tha se Xhaka zgjodhi Shqipërinë para Zvicrës, u pa se tekniku italian nuk do të kursehej me lojtarin që e akuzoi se e kishte mendjen te paratë, jo te kombëtarja.
“Zvicra nuk e thirri Xhakën” tha De Biazi, duke lënë të kuptohej se Xhaka nuk pati zgjedhje tjetër veç Shqipërisë.
I pyetur se përse u largua Xhaka nga kombëtarja, De Biazi u përgjigj:
“Sepse nuk luajti me italinë. Të vetmen herë që nuk e aktivizova ishte ndeshja me Lihteshtejnin sepse ishte i lodhur. Kishte pasur ndeshje tjetër 3 ditë më parë.
Fevziu: Edhe me Spanjën.
De Biazi: Me Spanjën se kisha nevojë për lojtarë me karakteristika të ndryshme që ai nuk i ka. Ne bëjmë stërvitje nga e hëna në të premten me GPS, që jep të dhëna se kush vrapon më shumë, si vrapon. Të dhënat e Xhakës ishin negative.
Fevziu: Por me Bazelin ai është titullar.
De Biazi: Bazeli po fiton kampionatin prej 7 vitesh. Ato janë të lumtur me Xhakën, por për mua është si gjithë të tjerët.
Fevziu: A ju lajmëroi që do të largohej?
De Biazi: Më dërgoi mesazh në 1 e 10 të natës, pas ndeshjes me Palermon, ku më kërkonte të flisnim.
Unë e pashë të nesërmen në mëngjes se në 1 e 10 të natës e kam fikur telefonin. E fik para se të fle. Në mëngjes pashë dy sms dhe një të tretë. Më shkruante se kishte prenotuar avionin.
E takova në mëngjes dhe më tha se do të ikte. Unë i thashë: Shko! Shko i qetë!
Fevziu: Po kur hodhi shishen me ujë?
De Biazi: Ma shpjego ti! Ka edhe episode të tjera, që nuk janë parë nga telekamerat. Unë jam 60 vjeç, nuk mund t’i them. Nuk jam si Taulanti.
Fevziu: Ishte ndeshje e rëndësishme për të. Ishte vëllai i tij në fushë.
De Biazi: Unë jam trajner nuk shoh vëllain.
I habitur është shprehur De Biazi edhe për ish trajnerin e kombëtares, Astrit Hafizi. Ky i fundi ka thënë se De Biazi po na bën të gjithëve budallenj me justifikimet pas humbjeve.
“Hafizi flet ne tym. Unë dua t’ithem që t’i shohë ndeshjet në fushë. Nuk i sheh mire nga televizori. Duhet t’i shohësh në fushë.
Mendoj se është xheloz për atë që arrita unë, ndonëse kishte një skuadër të mirë” është shprehur De Biazi.