Kleodiana është banorja e eliminuar këtë javë nga “Big Brother”. Të shtunën që kaloi ajo nuk preferoi të bëhej çift me Egnajtin dhe të bëhej pjesë e shtëpisë së çifteve, dhe që të dy lanë kështu shtëpinë e “Big Brother”. Ndonëse ajo nuk dha ndonjë arsye të fortë për këtë zgjedhje, fill pas daljes, nëpërmjet “Instagram”-it, është zbuluar një fotografi ku kjo e fundit shfaqet duke u puthur në buzë me një tjetër vajzë, që mund të jetë mikesha e saj. Kanë qenë portalet online ato që kanë publikuar këtë foto, duke ngritur dyshime rreth seksualitetit të saj. Nuk dimë nëse kjo ka qenë thjesht një puthje miqësore apo mes vajzave ka diçka më tepër, por duke qenë se Kleodiana nuk dha asnjë shenjë me ndonjë mashkull brenda shtëpisë së “Big Brother”, mbetet i hapur diskutimi që ajo mund të ketë lënë ndonjë tjetër person të zemrës jashtë, ndaj dhe nuk preferoi të bëhej çift siç kërkon loja e këtij viti.
