Vihen në pranga në flagrancë dy shtetas dhe shpallen në kërkim dy të tjerë (njëri prej tyre shtetas grek).
Gjithashtu ka sekuestruar 17 kg lëndë narkotike e dyshuar për Cannabis Sattiva.
Përkatësisht Agron Prenga, 26 vjeç, Mariglen Hysenaj, 24 vjeç, banues në Sarandë.
Policia e Sarandës, mbi bazën e informacioneve të marra në rrugë operative se në qytet po qarkullonin 2 automjete filloi menjëherë ndjekjen e këtyre mjeteve derisa u bë i mundur bllokimi i tyre në lagjen nr.1 Sarandë.
Nga kontrolli i ushtruar në mjetin tip Benz-ML me targë AA 371 ML, u konstatua një sasi me lëndë narkotike me peshë prej 17 kg e dyshuar Cannabis Sattiva, 16 pako, të futura në një çantë sportive në bagazhin e këtij mjeti.
Në këte mjet, policia bëri arrestimin në flagrancë të shtetasit Mariglen Hysenaj, si dhe ka shpallur në kërkim drejtuesin e këtij mjeti, shtetasin K.L., 29 vjeç.
Gjithashtu, në mjetin tjetër tip Benz C-Clas, me targë AA 109 IL, policia ka arrestuar në flagrancë drejtuesin e këtij mjeti, shtetasin Agron Prenga, si dhe ka shpallur në kërkim pasagjerin tjetër në këtë mjet, shtetasin grek A.E., 31 vjeç, .
Nga hetimet e kryera, dyshohet se autorët kishin për qëllim destinacionin e lëndës narkotike drejt shtetit Grek.
Po punohet për kapjen e autorëve të shpallur në kërkim si dhe të bashkëpunëtorëve të tjerë të implikuar në këtë vepër penale.
