Ndonëse kanë kaluar disa ditë nga ngjarja që përfshiu Luana Vjollcën, kjo e fundit ka vendosur të qëndrojë në heshtje dhe të mos ketë asnjë kontakt me fansat.
Deri më tani, moderatorja u ka qëndruar larg rrjeteve sociale dhe të njëjtën gjë ka bërë edhe i dashuri i saj, Krenar Çoçaj, i cili gjatë ditëve të fundit ka fshirë shumë nga ndjekësit në Instagram.
Por a është ky vendim i Luanës i përkohshëm, apo moderatorja ka vendosur që të mbajë distancë me fansat e saj? Këtë nuk e dimë, megjithatë mbetet të presim deri në një reagim të ri nga ajo…
Ngjarja
Luana Vjollca u përndoq prej 8 muajsh nga 32-vjeçari Besmir Lila, derisa ky i fundit përpara disa ditëve u përplas me të dashurin e Luanës, Krenar Çoçaj, konflikt që përfundoi në dhunë.
Pas arrestimit të Besmir Lilës, policia tha se djali nga Lundra ishte i armatosur, ç’ka e bënte situatën dhe më të rrezikshme.
