Takimi i organizuar nga Ilir Meta për një takim mes Edi Ramës dhe Lulzim Bashës ka dështuar. Si kryeministri, ashtu edhe kreu i opozitës nuk iu përgjigjën thirrjes së Ilir Metës për të negociuar ndryshime në Kodin Zgjedhor që do të rrisnin besimin mes palëve para zgjedhjeve.
Në takim, kreu i LSI-së informoi përtitë e tjera parlamentare për takimin e një dite më parë me negociatorët e huaj. Meta ka treguar ofertën që arritën të shkruajnë negociatorët e huaj McAllister dhe Flenckestein për Edi Ramën dhe Lulzim Bashën dhe arsyet e dështimit të saj.
Në tryezë ishte i pranishëm Gramoz Ruçi nga Partia Socialiste, Blushi i LIBRA-S dhe Mesila Doda e PDIU-së. Aleati i Bashës në opozitë, Agron Duka i PAA u paraqit në Kryesinë e Kuvendit, por nuk qëndroi në takim.
Duke folur për gazetarët jashtë kryesisë së Kuvendit, Ben Blushi paralajmëroi një lëvizje të Partisë Socialiste për të shmangur përplasjen në ditën e zgjedhjeve në Kavajë.
“Ju jeni të gjithë votues, para se të jeni gazetarë, jeni votues. Çfarë ndxodh nëse të gjitha partitë nuk shkojnë në zgjedhje? Shqiptarët do humbin të drejtën e tyre për të votuar, se nuk duan partitë? Siç mund të ndodhë në Kavajë për shembull që thonë se kandidatët mund të tërhiqen. Deri këtu mund të shkojë absurdi i shqiptarëve” u shpreh Blushi.
“Një iniciativë positive dhe të domosdoshme e Kryetarit të Kuvendit” e quajti Taulant Balla tryezën e organizuar nga Ilir Meta në fund të takimit.
