Mediat serbe kanë vazhduar shkrimet për Kosovën dhe Shqipërinë si dhe deklaratat e fundit për mundësinë e bashkimit mes të dyja vendeve.
Kësaj radhe gazeta serbe, informer.rs, ka shkuar aq larg saqë shkruan se presidenti turk Recep Taiyp Erdogan është duke e ndihmuar aktivisht kryeministrin e Shqipërisë, Edi Rama dhe presidentin e Kosovës, Hashim Thaçi për luftë në Serbi e Maqedoni.
Kjo gazetë beogradase në këtë artikull i referohet shërbimeve inteligjente turke, transmeton Klan Kosova.
“Agjentët e MIT (Shërbimi i Inteligjencës Turke), Shqipëria dhe Kosova po ndihmohen në mënyrë aktive për përgatitjet për luftë në Serbi dhe Maqedoni”.
“Fshehurazi po ndihmohen për blerjen e një sasie të madhe të armëve, sidomos raketa dhe po pregatitet një plan për të hyrë në veriun e Kosovës dhe në Kumanovë të Shkupit”.
Në këtë artikull financuesi kryesor i kësaj “lufte të mundshme” shihet të jëtë miliarder kosovar Behgjet Pacolli.
“Behgjet Pacolli është financuesi kryesor për blerjen e armëve për luftë”.
