Të dielën e kaluar Franca votoi për presidentin e saj të ardhshëm, ku themeluesi i lëvizjes “En Marche”, Emmanuel Macron mori 23.8% të votave ndërsa politikania kontroverse Marine Le Pen 21.4% të votave. Këta dy kandidatë do të rivotohen në një proces balotazhi, ndërkohë që 3 kandidatët e tjerë nuk arritën të kalojnë në raundin tjetër.
Sipas të gjitha projeksioneve, kandidati i “Në Ecje”, Macron mund të jetë presidenti i ardhshëm, një lajm i mirë ky për Europën e Bashkuar.
Sllogani i politikanit të ri në fushatë ishte “Një shans për të gjithë”. Ky sllogan, nuk mund t’i shpëtonte ministrit të Drejtësisë, Petrit Vasili, i cili ka bërë një postim në “Facebook”. Të njëjtin sllogan ka përzgjedhur edhe Lëvizja Socialiste për Integrim për zgjedhjet parlamentare të këtij viti.