SPORT

Hap i madh në karrierë, Luiza Gega akord për 1 vit me Fenerbahçen

13:22 - 28.04.17 gsh.al
GSH APP Download on Apple Store Get it on Google Play




Vetëm dy ditë pasi vendosi rekordin e radhës kombëtar në 10 mijë metra në Kupën e Shqipërisë së zhvilluar në “Elbasan Arena” dhe të vetmin që i mungonte në palmaresin e saj të artë, atletja shqiptare Luiza Gega ka bërë një hap të rëndësishëm në karrierë në rang klubesh. Jo më larg se dje nënkampionia e Europës ka arritur një akord 1-vjeçar me klubin turk të Fenerbahçes. Lajmi është bërë zyrtar nga vetë presidenca turke në faqen e saj zyrtare.

“Ekipi i atletikës së Fenerbahçes ka arritur një kontratë 1-vjeçare me atleten Gega, e datëlindjes 5 nëntor 1988”.  Në deklaratën e klubit thuhej se Gega është rekordmene kombëtare në garat e distancës së mesme, ndërsa në Europianin e 2016-s zuri vendin e dytë. Gega do të debutojë me verdhezinjtë në garat e Superligës që do të mbahen në data 6-7 qershor në Ankara.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.