Finalizohet me sukses nga Policia operacioni antidroge i koduar “BEDROOM” , ndërkohe që është kapur ne flagrancë pronari i banesës shtetasi Bledar Grabovaj, 20 vjeç, banues në Vlorë dhe është shpallur ne kërkim bashkëpunëtori.
Në banesën e këtij shtetasi janë sekuestruar 37 kilogramë lëndë narkotike e dyshuar e llojit Cannabis Sattiva
Lënda narkotike u gjet e fshehur në dhomën e fjetjes së banesës në fjalë, e ndarë nëpër thasë sintetikë dhe të mbështjella me qese plastike.
Nga hetimet e kryera, Policia ka konstatuar se në këtë ngjarje dyshohet se është i përfshirë shtetasi:
N.G., 50 vjeç, banues në Vlorë, i cili u shpall në kërkim dhe po punohet për kapjen e tij.
Materialet i kaluan Prokurorisë për veprën penale “Prodhimi dhe shitja e narkotikëve, kryer në bashkëpunim”.