POLITIKË

Manjani: 18 Qershori ka rënë, vendi drejt përplasjes, shkak arroganca e qeverisë!

21:03 - 07.05.17 gsh.al
GSH APP Download on Apple Store Get it on Google Play




Ish-ministri i Drejtësisë Ylli Manjani thotë se vendi po shkon drejt përplasjes për shkak të polarizimit politik.

Në një intervistë për Ora News, Manjani tha se  për herë të parë që nga viti 1991, po hyhet me leva në zgjedhje duke sajuar opozita. Manjani thotë se afatet e regjistrimit të partive për zgjedhjet e 18 Qershorit nuk janë respektuar as nga Partia Socialiste. Në datën 28 prill afati i regjistrimit mbaroi dhe partitë u regjistruan në zgjedhje të nesërmen.

Vendi tashmë në kuptimin e polarizimit politik po shkon drejt përplasjes dhe kjo është një gjë e pa dëshiruar dhe është një gjë që ata që po e kurdisin po bëjnë gabim shumë të rëndë. Besoj kriza ka dy anë. Për fat po pranohet që jemi në krizë politike pasi sot ishim në fazën e mohimit. Edhe farsa e regjistrimit të partive dhe listave të kandidatëve në mënyrë të paligjshme. Merreni dhe lexojeni si të doni ligjin.

Në orën 12 të natës më 28 prill ka përfunduar afati ligjor. Afate politike ka sa të duash. Nuk na kishte ndodhur deri më sot që pas 91-t të hyjmë në zgjedhje me levat e partisë, të sajojmë parti të krijojmë opozitën. Kjo nuk është normale. Përplasja është e padëshiruar. Unë nuk e di se çfarë duhet të ndodhi më shumë për të kuptuar se vendi po shkon në përplasje.

Kur i fiton zgjedhjet pse duhet të jesh arrogant? Këtë nuk e kam kuptuar asnjëherë. Sa më shpejt të ulesh në tryezë me opozitën aq më shpejt do të shkohet në zgjedhje. Sa më gjatë, opozita do të radikalizohet. U pa çadra me përçmim, jo kriminelë, jo vettingu. Janë shqiptarë edhe ata nuk janë serbë dhe kjo është e patolerueshme.

Manjani shprehet se zgjedhje pa opozitën nuk mund të ketë.

Zgjedhje pa opozitën nuk ka. Unë nuk mund të them kush ka të drejtë, por jam i bindur dhe mbetem i bindur se arroganca është arsyeja e kësaj krize. Jam i bindur se sistemi politik në Shqipëri është në krizë të thellë prej vitesh. Pa diskutim dashuriçkat e Partisë Demokratike dhe Partisë Socialiste në kurriz të Kushtetutës së vendit kanë këtë pasojë. E gjithë kjo situatë kërkon zgjidhje.

Bota demokratike kërkon zgjedhje dhe pjesëmarrje të të gjitha partive. Pavarësisht nga ndonjë ambasadori/reje, e cila sillet vërdallë këtu për agjenda të tyre. Është detyrë e shtetit shqiptar të realizojë këto zgjedhje.


Shfaq Komentet (1)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.

  1. Prap ti more, nuk e merr vesh se je levozhge e b altosur: E keqja me e madhe tek njeriu eshte kur nuk e kupton se çvend ze ne shoqeri. Ti ishe ne maja te larta, por nga padija dhe arroganca po noton ne kenete, nese do te shpertosh noto qe te dalesh nga keneta. Dhe ju te mediave pse merreni me keta njeres qe kane rene nga “kali”. Ata dine te flasin vetem urrejtjet e tyre personale, por nuk mund te pritet ndonje projekt i mire, apo idera per zhvillimin e vendit. I lini te llomostisin neper kafenera, mos u a beni qejfin qe te na dalin ne televizore njehre koke rruar nji here koke lesh , sepse trute e tyre i kane pershesh si ushqim per derrat ne lluce. Drakula Pa,

    Përgjigju ↓