Kreu i opozitës Lulzim Basha u shpreh se që në ditët e para të ardhjes në pushtet do të zhbëjë ligjin për arsimin e lartë. Ai tha se këtë ligj do ta bëjnë njerëzit më të mirë në fushën e arsimit.
Kreu i opozitës nuk ngurroi as të bënte një paralajmërim për Henri Çilin duke e paralajmëruar se në Republikn e re duhet të përballet me konkurrimin.
‘’Që ditën e parë që do të vijmë në pushtet ne do të zhbëjmë ligjin për arsimin e lartë. Ligji i ri do të shkruhet nga kollosët dhe akademikët në vend.
Edhe Henri dhe shokët e tij do kënë një vend në Republikën e Re. Jeni privat dhe nëse do keni mundësi konkurroni, nëse jo këtë do merrni (duke ngritur brrylin), u shpreh Basha.
Duhet thënë se Henri Çili që prej nisjes së protestës së opozitës është pozicionuar hapur kundër saj me disa shkrime të botuara në mediat që drejton vetë.
SULMI I BERISHES
Pak javë më parë, ish-kryeministri Sali Berisha “kërcënoi” Henri Çilin se kur të vijë Partia Demokratike, nuk do t’i njohë diplomat e universitetit të tij. Megjithëse nuk e përmendi me emër, Berisha tha se ai universitet i ngjan Institutit të Studimeve Marksiste-Leniniste të Nexhmije Hoxhës.
“Ti zotëri, e ke shndërruar universitetin në stok të organeve të krimit shtetëror. I them administratorit të këtij universiteti, të universitetit “Edvin Kristaq Rama”, do kesh pasoja shumë të rënda.
I bëj thirrje studentëve, tregojini vendin këtij sharlatani! I paralajmëroj se kur të vijë Partia Demokratike në pushtet, do t’i bëjë diplomat të pavlefshme”, tha Berisha duke folur në çadrën e opozitës përballë kryeministrisë.
GSH.al
Për të marrë lajmet e fundit të “Gazeta Shqiptare”, ndiq faqen tonë në Facebook.
O sal o lyl,kur te shihni ndonje gomar si puna Juaj qe fluturon atehere do qeverisni