Pas mitingut të kryeministrit me të rinjtë që votojnë për herë të parë në Shkodër, ka reaguar kryebashkiakja e Shkodrës. “Më thanë që Voltana më ka përmendur, por ta dijë se unë atë s’e marr as për magaziniere. Ajo e merr besimin e njerëzve duke vazhduar të flasë për fantazmën e komunizmit”, deklaroi Rama pasditen e sotme nga Shkodra. I menjëhershëm ka qenë edhe reagimi i Voltana Ademit. Nëpërmjet një statusi në Facebook, Ademi ka thënë se nëse është dikush për tu tallur, ai është vetëm Edi Rama.
Statusi i Voltana Ademit
Edi Rama sulmon Bashkinë Shkodër e thotë me vete:
“Si ka mundesi!!!! Unë i bllokoj çdo gjë e keto çdo ditë po vazhdojnë të ndërtojnë e zbatojnë projekte!!!”
Në fakt, nëse ka një njeri që është tallur e po tallet me Shkodrën është Rama!
Shikoni kete video…
Tallje e Rames është kur thotë që bëme “Marubin”, e që në fakt e beri qeveria Berisha, por shiritin e preu Rama…
E sa per liqenin e Shkodrës është projekti ynë, ëndrra që po realizojmë për të gjithë shkodranët.
Edhe pse sot në Shkodër solle autobuzë me turista nga Puka, Lezha e Kopliku, prapseprap, si pasojë e kesaj tallje, sot takimi te deshtoi!
Edhe pse ti kryemistër mashtron për gjithcka që flet dhe e urren Shkodrën, të premtoj se Shkodra historikisht êshtë drejtuar e do të drejtohet nga demokratët e njerëzit e lirë!
ÇFARE THA EDI RAMA
“Më thanë që Voltana më ka përmendur, por ta dijë se unë atë s’e marr as për magaziniere. Ajo e merr besimin e njerëzve duke vazhduar të flasë për fantazmën e komunizmit”, deklaroi Rama. Kryeministri foli në 10 minutat e para të fjalimit vetëm për kryetaren e bashkisë së Shkodrës.
Më herët, eskorta e tij u bë pjesë e një incidenti në hyrje të qytetit.
Të rinjtë e Forumit Rinor të Partisë Demokratike i kanë ndërprerë rrugën për pak momente eskortës që shoqëronte kryeministrin Edi Rama. Me pankarta në duar ata kanë thirrur “Rama ik” por me ndërhyrjen e Gardës dhe të policisë gjithçka është normalizuar dhe eskorta ka vijuar rrugën.
Po sot, ngritja e një tende në mes të qytetit që do të shërbente për pritjen e kryeministrit Edi Rama sot me të rinjtë, në takimin e planifikuar me votuesit e herës së parë, është bërë shkak për një përplasje mes policisë së Rendit dhe asaj Bashkiake në qytetin e Shkodrës.
Përfaqësuesit e PS-se kanë vendosur të ngrenë tendën për aktivitetin e pasdites, por një gjë të tille e ka konsideruar të paligjshme policia bashkiake, e cila ka ndërhyrë menjëherë.
Në vend ka pasur përplasje mes dy policive, çka duket edhe në fotot. Që në mëngjes, Kryeministri i Shqipërisë njoftoi se do të jetë sot në Shkodër, për inaugurimin e repartit të reanimacionit dhe më pas, për takimin e radhës, me të rinjtë e herës së parë.
o RAME MBLIDHE MENDJEN E MOS U BE SI AI I MADHI I KORESE SE VERIUT.MJAFTE ME OFENDIME LANGARAQESH!