Ky që po shihni në foto është mjeku ortoped gjerman që operoi Blerta Pepën. 16-vjeçarja ka pësuar një incident gjatë orës së Fiskulturës, ku ka këputur ligamentin e këmbës, gjë që ka detyruar prindërit ta çojnë me urgjencë në spital, pas dhimbjeve të forta që kishte. Operacioni për meniskun e këmbës është kryer nga 2 mjekët e huaj. Gjermani i kishte dhënë garanci prindërve të Blertës se operacioni ishte diçka e thjeshtë.
Por bazuar në dëshminë e babait të vajzës në Polici një ditë më parë, mjekët pas operacionit i kanë thënë se vajza kishte pasur komplikacione gjatë ndërhyrjes dhe temperaturë. Ata kanë pritur që vajzës t’i dalë narkoza, por e reja nuk ia ka dalë dot, dhe prindërit kanë marrë lajmin e rëndë nga bluzat e bardha pas mesnate. Tashmë, tre mjekët e spitalit privat që asistuan në operacionin e 16-vjeçares, Blerta Pepës; do të ndiqen penalisht për mjekim të pakujdesshëm.
Ndërkohë që 53-vjeçari, mjeku anestezist i cili tentoi vetëvrasjen menjëherë sapo Blerta Pepa ndërroi jetë, ndodhet në gjendje të rëndë për jetën.
Ekspertiza mjeko-ligjore
Vdekja e 16-vjeçares Blerta Pepa ka ardhur si pasojë e “hipertermisë malinje”. Ka qenë ekspertiza mjeko-ligjore, e cila ka bërë paraprakisht një përfundimin për shkakun e vdekjes së 16-vjeçares Blerta Pepa në spitalin privat “Continental” në Tiranë.
Ekspertët kanë arritur në përfundimin se shkak për humbjen e jetës është bërë “hipertermia malinje”, një komplikacion ky i shfaqur gjatë operacionit.
Gjithashtu, ekspertiza bën të ditur gjithashtu se gjatë ndërhyrjes kirurgjikale është përdorur edhe ilaçi “Dantrolen”, ndonëse fillimisht u dyshua se nuk është përdorur.
Pavarësisht përdorimit të këtij ilaçi, gjimnazistja e “A.Z. Çajupit” nuk ka mundur t’i mbijetojë komplikacionit shëndetësor, duke ndërruar jetë pak orë pas operacionit.