Publikuar : 19/05/2017
Mix |

“Ky është Edi Rama, burri që bën shtet, fali çdo gjë për PD, veç b… së vet”, pakti PS-PD në vargjet e Arben Dukës

Bej share
Tags

Arben Duka, poeti i njohur për satirën e dhe ironinë therëse me vargjet e tij, nuk e ka kursyer Edi Ramën për marrëveshjen e bërë me PD. Duka shkruan me vargje se kjo marrëveshje është genocid mbi Partinë Socialiste.

Nga Arben Duka

Marrëveshja Rama-Basha. Genocid mbi Partinë Socialiste!

Gjashtë orë me Lulin,

kokë më kokë qëndroi,

një marrëveshje turpi,

në fund nënshkroi!

 

Ky është Edi Rama,

burri që bën shtet,

që fali çdo gjë,

veç bythës së vet!

 

Socialistja jonë,

s’është më në pushtet,

se asnjë ministër,

s’ka në kabinet!

 

Edvin kapedani,

burri që bën shtet,

bëri genocid,

mbi partinë e vet!

 

Askush s’e shtrëngoi,

s’i vuri zinxhirë,

po gjithçka e bëri,

me vullnet të lirë!

 

Ai është në qiell,

dhe nuk mund ta dijë,

se PD në zgjedhje,

fare do ta grijë!

 

Me humbje fatale,

veten ka dënuar,

këtë pis-marrëveshje,

kur ka nënshkruar!

 

Veten ka dënuar,

me humbje fatale,

se i dha PD-së,

kartë të fortë morale!

 

Kur i fal të tëra,

si derrin në thes,

s’kam asnjë arsye,

që të të mbështes!

 

Po unë kot që nxehem,

se të gjithë e dinin,

se kështu do tretej,

PS me Edvinin!

 

Arben Duka, Gazeta “Dita”

 

1 Koment
  1. lis dushku thotë:

    Kur te numuroje votat Ristani,
    Mbani veten e mos qani
    Mos kerceni si shejtani
    nga kangjellat,nga tavani

    Kur te hapen ca kutia
    te hyje grupi ciftelia
    mos ju zere lemeria
    S`ka c`u ben antaresia.

    Kur t`u vjedhin,kur t`u rrjepin
    kur t`u marrin bereqetin
    me vota ta mbushin thesin
    Se ju u tallet me shtetin.

Shkruaj nje koment

Kalo te paneli