Ish-kryeparlamentarja Jozefina Topalli dhe ish-ministri i mbrojtjes Arben Imami kanë paralajmëruar sot në një konferencë për mediat një nismë në forumet e partisë për të shkarkuar Lulzim Bashën nga drejtimi i PD-së.
Jozefina Topalli dhe ish-ministri, sot deputet i PD, Arben Imami, të dy të mbetur jashtë listës së kryedemokratit Lulzim Basha kanë bërë të ditur se: “Vendimi për listën e kandidatëve është marrë nga një njeri i vetëm. Është marrë në shkelje të ligjit, të çdo procedure normale të një partie, në shkelje të ligjit. Por edhe më shumë se kaq. Nuk ka qenë traditë e kësaj partie që të mos konsultohet dhe të merret vendimet në forumet e partisë. Ne kërkojmë mbledhjen e forumeve të PD, shkarkimin e personit përgjegjës që në këtë rast është Lulzim Basha”.
Mirëpo, çfarë parashikon statuii i PD-së për shkarkimin e kryetarit? Sipas statusit të PD-së, neni 35, pika 4 e tij, kryetari shkarkohet në bazë të një mocioni mosbesimi, të miratuar nga më shumë se gjysma e anëtarëve të Këshillit Kombëtar. “Shkarkimi i kryetarit të partisë vendoset mbi bazën e një mocioni mosbesimi, të miratuar nga më shumë se gjysma e anëtarëve të Këshillit Kombëtar”.
(Lexo KETU, listën e plotë të anëtarëve të Këshillit Kombëtar të PD)
Aktualisht Këshilli Kombëtar ka 270 anëtarë, prej të cilëve minimalisht duhet të firmosin peticionin 136 anëtarë, në mënyrë që të merret në shqyrtim nga Kuvendi Kombëtar.
Kështu, që në këto kushte Topallit dhe Imamit i del për detyrë të marrin firmat e pothuajse të gjysmës së anëtarëve të Këshillit Kombëtar. Kjo duke qenë se janë pikërisht ata nismëtarët e kësaj lëvizje në PD…
STATUTI I PD
Neni 35
Kompetencat e Kuvendit Kombëtar
Kuvendi Kombëtar
- Vendos për programin e Partisë dhe linjat kryesore të politikës së saj, të cilët janë bazë pune për të zgjedhurit e PDSH në nivel qendror e vendor, si dhe për pushtetin ekzekutiv drejtuar prej saj.
- Miraton statusin e PDSH dhe ndryshimin e tij
- Zgjedh me votim të fshehtë këshillin kombëtar nga një listë ku numri i kandidatëve të mos jetë më pak se 1.5 herë më i madh se numri i vendeve që do të shpallen fitues sipas modaliteteve të përcaktuara nga kryesia e partisë.
- Vendos për shkarkimin e kryetarit të partisë mbi bazën e një mocioni mosbesimi të miratuar nga më shumë se gjysma e anëtarëve të Këshillit Kombëtar.
Lexoni KETU: A ka dijeni Berisha për kërkesën për shkarkimin e Bashës? Ja ç’thonë Topalli e Imami
KUSH MBETI JASHTE LISTES SE PD-së
Shumë nga drejtuesit aktualë të Partisë Demokratike kanë mbetur jashtë listës së kandidatëve për deputetë në zgjedhjet e 25 qershorit. Lexoni më poshtë listën e “të përjashtuarve” nga listat e dorëzuara në KQZ.
Jozefina Topalli
Majlinda Bregu
Eduard Selami
Ridvan Bode
Astrit Patozi
Arben Imami
Keltis Kruja
Enno Bozdo
Asllan Dogjani
Kastriot Islami
Myqerem Tafaj
Bedri Hoxha
Roland Keta
Igli Cara
Kosma Dashi
Bedri Mihaj
Arbiola Halimi
Genc Ruli (nuk kandidoi vetë)
Eleina Qirici
Gjergji Papa
Mimoza Hajdarmataj
Albina Deda
Gjovalin Bzhetaj
Irma Kopliku
Liljana Elmazi Billa
Lexo KETU: Tronditet PD/ Pas Topallit, edhe Edit Harxhi kundër Bashës: “Ma fute” 2 herë, është faji im!
Lexo KETU: Topalli, Bashës: E ule PD-në në karrige me rrota. Një herë e shtyn Rama, herën tjetër Meta
Lexo KETU: “Të la partia jashtë listës së deputetëve”, ja si u përgjigjet komentuesve tropojania e PD-së