“Arrest me burg”. Kjo ka qenë masa e marrë per Mikel Shallarin. Gjykata për Krimet e Rënda, e cila u tërheq për të caktuar masën e sigurisë ndaj Mikel Shallarit, personit të arrestuar që dyshohet për vrasjen e komisar Artan Cukut, ka vendosur që ta mbajnë në burg atë.
GSH.al sjell foton e Mikel Shallarit në Gjykatë.
Mësohet se Prokurori kërkoi caktim mase “arrest në burg”, por sipas kërkesës së organit të akuzës, mësohet se zbulimi i ngjarjes dhe këtij personi si autor i dyshuar i vrasjes, është bërë nga analiza e kamerave të sigurisë, ku është vërejtur largimi i personit të dyshuar nga vendi i ngjarjes.
Ndërkohë që janë ndjekur kamerat biznes pas biznesi deri te sheshi Ëillson dhe aty është parë që Mikeli ka hequr bluzën dhe e ka hedhur në kosh e cila më pas është gjetur nga ekspertët.
Ka qenë pikërisht ADN-ja në xhepat e bluzës sportive që ka lënë në kosh autori, e cila ka zbardhur identitetin e tij. Nga pamjet e kamerave është parë që autori ecën me duart në xhepa në bluzë.
Ekspertët e kanë shpërndarë profilin e ADN dhe ka reaguar Interpol Berna e Zvicrës, që kanë thënë ne kemi pasur një të shoqëruar me këtë profil gjenetik.
Prokuroria ka bërë të ditur se Mikel Shallari nuk ka pranuar të flasë. E vetmja përgjigje që ai ka dhënë kur është pyetur në gjyq nëse ka gjë për të shtuar, ka qenë: S’kam asnjë gjë për të shtuar.
Ashtu si ditën kur u arrestua, edhe dje 24-vjeçari Mikel Shallari nuk ka pranuar të flasë para hetuesve.
Ai ka refuzuar edhe bashkëpunimin e ofruar, për të përfituar statusin e të penduarit, duke vijuar të mbajë qëndrim mohues lidhur me akuzën e ngritur ndaj tij.
Dyshohet se Artan Cuku u vra për gjakmarrje, por nuk perjashtohen edhe disa pista te tjera.