“Arrest me burg”. Kjo ka qenë masa e marrë për Mikel Shallarin. Gjykata për Krimet e Rënda vendosi ta mbajë në burg të dyshuarin për vrasjen e komisar Artan Cukut.
GSH.al sjell fotot e reja të Mikel Shallarit në gjykatë.
Ndërkohë që orët e fundit është përforcuar ideja se vrasja e Artan Cukut nuk ka ndodhur për gjakmarrje, por për shkak të detyrës së komisarit në kohën që ishte drejtor i policisë së Vlorës.
Burime nga prokuroria, thanë për GSH.al se një grup i fuqishëm ekonomik në Vlorë, dyshohet të ketë porositur ekzekutimin e Cukut.
Motivi, mësohet të jetë trafiku ndërkombëtar i drogës dhe goditja e një dege të këtij grupimi nga ana e policisë së Vlorës, disa vite më parë.
Policia e ka regjistruar procedimin penal si “vrasje për gjakmarrje” me gjasë për të humbur gjurmët e hetimit të porositësve të vërtetë.