Ditën e djeshme humbi jetën pas një ataku kardiak, një ndër drejtuesit më të njohur të Policisë së Tiranës, Nikoll Vatnikaj.
Sot do ti jepet lamtumira e fundit, ndërsa vajza e tij, Desantila, një blogere e njohur gjithashtu, i ka kushtuar disa fjalë prekëse babait të saj.
“Kështu do të jemi përjetë, unë këtu, ti prej atje lart. Jam goca e Nikollës, me krenari, përjetë! Më këpute ba!”- shkruan Desantila.
Ceremonia e homazheve pritet të zhvillohet nga ora 10-12 në Pallatin e Kongreseve. “Sot në orën 10-12, në Pallatin e Kongreseve do të kryhen homazhet e përcjelljes së tim eti.
Figura e tij dhe çdo kontribut human që ai ka bërë, në komunitet, familje e shoqëri është arsyeja pse unë do të jem përherë e përulur me mirënjohje dhe dashuri ndaj çdokujt që respekton emrin dhe punën e babait tim.
Ju faleminderit, me zemër.
Ai është forca ime, tim vëllai dhe sime mëje”,- shkruan ajo në rrjetin social “Facebook”.