Kreu i LSI Petrit Vasili i ftuar në emisionin e Sokol Ballës, “Top Story”, ka sqaruar deklaratat që janë dhënë në 17 Maj, kur u arrit edhe marrëveshja mes Ramës dhe Bashës që bëri që opozita të hynte në zgjedhje.
I pyetur nga Balla, se a është e vërtetë që Rama e ka marrë 6 herë në telefon atë ditë Vasilin dhe ky i fundit nuk ia ka hapur, Vasili nuk e mohoi.
Balla: Ka zëra që ju bëjnë edhe ju përgjegjës për situatën e fundit krijuar mes PS dhe LSI, mëngjesin e 17 Majit, në kulm të negociatave, përflitet deri aty që ju s’ja keni ngritur 6 herë kryeministrit telefonin kur ai ju ka marrë atë ditë.
Vasili: Historia e hapjes dhe mbylljes së telefonit është jo vetëm qesharake por janë vogëlimat që Rilindja është përpjekur të funksionojë. Problemi i 17 majit ishte një moment…Vendi po shkonte drejt greminës së zgjedhjeve të njëanshme pa opozitën kërkohej një qëndrim i prere dhe i rreptë. Gjithcka ishte përgatitur që të shkonim në zgjedhje pa opozitën, ishte e qëllimshme”