Ministri i Brendshëm, Dritan Demiraj, edhe pse ka vetëm një muaj që është në krye të kësaj ministri ka bërë bilancin e punës së tij.
Përmes një postimi në faqen e tij, në rrjetin social “Facebook”, Demiraj ka bërë edhe një paralajmërim për të gjithë punonjësit e policisë, ndërsa ka pohuar se ata do të largohen nga detyra nëse marrin pjesë në fushatë.
Ja statusi i Dritan Demirajt:
Vazhdon me sukses lufta pa kompromis kundër kanabisit dhe përdorimit të parave të drogës në fushatën elektorale.
Ministria e Punëve të Brendshme dhe Policia e Shtetit është e angazhuar të zbatoje ligjin dhe misionin e saj kushtetues.
Mbështes fuqishëm punën e palodhur të efektivëve të ndershëm të policisë dhe i vendosur më shumë se kurrë për të pastruar radhët e saj nga ata që shkelin ligjin në çdo nivel.