Persona te paidentifikuar ditën e djeshme ne fshatin Bishqem, të cilët po udhëtonin me një automjet ti ‘Benz’ kanë ndalur një tjetër automjet, që drejtohej nga shtetasi P.S, 60 vjeç, banues në fshatin Bishqem, i cili po lëvizte nga një lokal për në banesën e tij.
Në momentin e ndalimit këta shtetas janë prezantuar si punonjës policie dhe dyshohet se kanë tentuar të merrnin me forcë në automjetin e tyre shtetasin P.S., i ndodhur në këtë situatë shtetasi P.S ka kërkuar ndihmë ku menjëherë kanë dalë fqinjët e tij. Personat që tentuan ta merrnin me forcë janë larguar me shpejtësi.
Shërbimet e Komisariatit të Policisë Peqin janë duke verifikuar, sqaruar rastin dhe po punojnë për zbardhjen e plotë të rrethanave të ngjarjes.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Përvetësimi i titullit apo i detyrës shtetërore” dhe “Heqja e paligjshme e lirisë mbetur në tentativë” parashikuar nga nenet 246, 110 dhe 22 të Kodit Penal
