Diana Vrapi, gruaja shqiptare që u vra nga i shoqi pak ditë më parë në komunën Bustio Arsizo në provincën e Varezes (Itali) është përcjellë për në banesën e fundit. Diana u përcoll me nderime dhe mesha u mbajt në kishën “San Michele”.
“E vetmja përgjigje ndaj së keqes nuk është një tjetër e keqe, por dashuri e përkushtim”, – tha famullitari Don Giorgio Fantoni.
Të pranishëm ishte edhe kryebashkiaku Emanuele Antonelli dhe nënkryetari i bashkisë, Stefano Ferrario.
Mbi kangjellat e kishës, një parullë ishte vendosur nga fëmijët e Dianës: Brigel, Elona e Steven, me një mesazh mjaft prekës: “Mirupafshim nënë, në orën 16:48 hape qiellin…Tashmë të takon ty më shumë se kurrë, merr frymë për ne”.
Shfaq Komentet (0)
