Rrëfen Pandeli Majko: Ja cilët janë dy faktorët që i dhanë fitoren PS-së

Deputeti i PS, Pandeli Majko ka treguar se ishin dy faktorët sipas tij që ndikuan në fitoren e Partisë Socialiste ne zgjedhjet e 25 qershorit. E para, fushata që ndërtoi Edi Rama dhe e dyta, mospjesmarrja e demokratëve në zgjedhje.

Të dy këto arsye, Majko i artikuloi gjatë një interviste në Abc Neës, në studion e gazetares Juli Xhokaxhi. Kur foli për fushatën që ndërtoi Partia Socialiste muajin e fundit, Majko ia dha të gjitha meritat Edi Ramës. Por deputeti socialist pranoi se “duhet qëndruar me këmbë në tokë” kur analizohet rezultati. Sipas tij, fitorja e “Rilindjes” i dedikohet edhe një rënieje të dukshme të pjesëmarrjes së elektoratit demokrat, që ka favorizuar PS.