Ish zv.kryeministri Niko Peleshi ka rrëfyer në një intervistë për Abcneës si i ruanin nga kryeministria eskavatorët punonin për kanalet e kullimit në të gjithë Shqipërinë. Në intervistën me gazetaren Juli Xhokaxhi, Niko Peleshi e tregoi me mburrje si i qëndronin mbi kokë eskavatoristëve, që mund të ndërprisnin ndonjëherë punën për të pirë një kafe. Kontrollet bëheshim me GPS dhe survejimi ishte i rreptë.
“Duhet të dini se 100 eskavatorëve që erdhën nga jashtë, iu vendosëm GPS për kontrollin e tyre nga një zyrë në kryeministri. Dhe kur ndonjë nga eskavatoristët ulej të pinte kafe, i binte telefoni nga kryeministria dhe i thohej: Çohu! Duket për të qeshur po kshu është në të vërtet” tregoi Peleshi, ndërsa gazetarja në studio mezi e mbajti të qeshurën.
Ky sistem kontrolli më shumë se me një ide e Rilindjes humaniste ngjan me makthet e kampeve të përqëndrimit të nazistëve.
I qetë dhe i sjellshëm në komunikim, Niko Peleshi e rrëfeu këtë trajtim të punëtorëve me kënaqësi.
Ikja e Peleshit nga kryeministria, duket se ka qenë një lajm i mirë për eskavatoristët e kanaleve kulluese, të cilëve telefonata nga kryeministria duhet t’i jetë shndërruar në një sindromë frike edhe kur ulen të pinë kafe pas pune.
