“Paradokse”, ironizon gazetari Dervishi: Në zgjedhje shkohet për të ndërruar qeverinë, ne po shkojmë për të ndërruar opozitën

Lutfi Dervishi, gazetari i njohur , ka ironizuar zgjedhjet për kryetarin e ri të PD-­së. “Në zgjedhje shkohet për të ndërruar qeverinë, këtu shkojmë për të ndërruar opozitën!”, shkruan ai ndër të tjera.

Statusi i plotë:

Paradokse Zgjedhjet i fitoi kryeministri, duke sharë…qerverisje! Në zgjedhje shkohet për të ndërruar qeverinë, këtu shkojmë për të ndërruar opozitën! Demokratët që nuk votuan më 25 qershor u derdhën lumë në kutitë e votimit më 22 korrik! Durojnë 4 vjet qeverinë, por nuk durojnë 4 sekonda në semafor të dal drita jeshile! Në vend që të kërkojnë llogari pse nuk ka ujë, diskutojnë: a duhet të rritet çmimi ujit!