AKTUALITET

Prishjet e ndërtimeve në Dhërmi, Tirana zyrtare i përgjigjet Greqisë, kjo e fundit i kujton BE

11:04 - 27.07.17 gsh.al
GSH APP Download on Apple Store Get it on Google Play




Ministria e Kulturës i pergjigjet flakë për flakë deklaratës së forte dhe akuzave të Ministrisë së Punëve të Jashtme të Greqisë për prishjen e objektit në fshatin Dhërmi.

Përmes një deklarate për mediat MK shprehet se “veprimet e ndërmarra nga organet ligjzbatuese për prishjen e dy ndërtimeve në fshatin Dhërmi, janë pjesë e një procesi të nisur që në prill të vitit 2016 nga Ministria e Kulturës për mbrojtjen dhe ruajtjen e trashëgimisë kulturore në këtë zonë”.

Athina dje i kujtoi Shqiperise integrimin ne BE, nderkohe qe sot MK deklaron prere se “Shqipëria beson fuqimisht se vetëm zgjidhjet e bazuara në shtetin e së drejtës dhe respektimin e ligjit për të gjithë, garantojnë perspektivën europiane të vendit”

Deklarata e plotë

Në vijim të Deklaratës për shtyp të Ministrisë së Jashtme të Greqisë, më datë 26 korrik 2017, dëshirojmë të sqarojmë se veprimet e ndërmarra nga organet ligjzbatuese për prishjen e dy ndërtimeve në fshatin Dhërmi, janë pjesë e një procesi të nisur që në prill të vitit 2016 nga Ministria e Kulturës për mbrojtjen dhe ruajtjen e trashëgimisë kulturore në këtë zonë.

Plani përkatës, pjesë e një strategjie në nivel kombëtar, është konsultuar gjerësisht dhe është miratuar bashkë me komunitetin dhe organet e pushtetit vendor të Bashkisë Himarë. Kësisoj, janë identifikuar edhe ndërtimet që cënojnë trashëgiminë, janë bërë të gjitha njoftimet përkatëse në lidhje me prishjen e ndërtimeve pa leje, shpronësimin, si dhe janë kompensuar pronarët në bazë të ligjit në fuqi. Në rastin konkret, bëhet fjalë  për dy godina të ngritura mbi një burim uji brenda zonës së mbrojtur si trashëgimi kulturore. Për pronarët e prekur janë respektuar të gjitha procedurat ligjore, si për të gjithë qytetarët shqiptarë dhe në përputhje me të gjitha normat e konventat ndërkombëtare.

Në këtë kuadër, si për Himarën ashtu edhe për të gjitha qendrat e tjera në vend, janë ndërmarrë të gjitha hapat që parashikon ligji në fuqi. Në asnjë rast dhe në asnjë hallkë të procesit, nuk ka pasur anashkalim, shkelje të dispozitave ligjore apo qasje selektive nga organet kompetente ligjzbatuese. Edhe në rastin konkret, janë shteruar të gjitha etapat, afatet ligjore, përfshirë konsultimin publik me pronarët, njoftimin, shpronësimin dhe prishjen e objekteve, që tashmë janë të klasifikuara si pronë publike.

Siç kemi sqaruar edhe në rastet e deklaratave të mëparshme për të njëjtën temë, sundimi i ligjit është në interes të të gjithë qytetarëve të Shqipërisë, qofshin shqiptarë, përfaqësues të pakicës greke apo pakicave të tjera pa dallim, përjashtim apo diskriminim. Mbi këtë bazë, çdo qytetar shqiptar, minoritar ose jo, ka të drejtën t’i drejtohet gjykatave shqiptare si organet kompetente për interpretimin e Ligjit në Republikën e Shqipërisë.

Shqipëria beson fuqimisht se vetëm zgjidhjet e bazuara në shtetin e së drejtës dhe respektimin e ligjit për të gjithë, garantojnë perspektivën europiane të vendit, ashtu siç theksohet dhe në përfundimet e Këshillit të Çështjeve të Përgjithshme të BE të dhjetorit 2016. (Outcome of the EU Council Meeting of General Affairs – 13 December 2016).”

 

 

 


Shfaq Komentet (1)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.

  1. Nderhyrje e hapur ne punet e brendeshme te nje shteti sovran , qe Gerqia e perserit si refrenin e kengeve popullore dhe , c`eshte me e keqja , shantazhon me fantazmen e vetos per ne BE . Shtet dhe politikane me idjote e keqdashes se Greket , rralle te gjesh ne planet ! Duhet kerkuar leje prej qeverise mishngrenese greke , edhe se me cilat parti duhet formuar qeveria shqiptare , si duhet ta beje ndarjen e brendeshme administrative, si duhet te zbatoje ne menyre selektive ligjet ,ne rastet me minoritaret,edhe per garazhet e emertuara si kisha , duhet pyetur Athina , bile edhe per guret e avllise , pse jo edhe te haleve shqiptare , se ku i marrim dhe ku i vendosim . PERNDRYSHE , VETUA GREKE NA QENDROKA MBI KOKE , SI SEPATA E DAMOKLEUT , PER HYRJEN NE BE .NE NJE KOHE , QE GERQIA E KA NJE KEMBE NE VARR E TJETREN MBI VARR , NA TREGON SE KA TANKE , RAKETA E AVIONE ! KULMI I INJORANCES ME KETO LLOJ SHANTAZHESH PSIKOPATESH , QE NEVERITIN EDHE FEMIJET ! JA , KY ESHTE “MIKU” DHE MIQESIA E “SINQERTE” E PLEHRAVE GREKE , QE NA KANE RENE NE PJESE QE TI KEMI FQINJE ! ! ! ! !

    Përgjigju ↓