Enida HIMAJ
Të gjithë e kujtojmë ende mbrëmjen e 2 janarit, ku violinisti Shkëlzen Doli solli në Tiranë Ansamblin Filarmonik të Vjenës. Me plis në kokë dhe me një teke raki, Doli i entuziazmoi të gjithë sallën e Pallatit të Kongreseve.
Atmosfera rreth koncertit të Dolit nisi me zhurmë sepse në reklamën që u bë, u tha se do vijë në Tiranë “Filarmonia e Vjenës” dhe u trumbetua se do të shfaqet “Koncerti i Vjenës”, i shoqëruar me pamje nga koncerti i Vitit të Ri që mbahet çdo datë 1 janar në Vjenë.
Violinisti i njohur do të vijë prape dhe do te mbaje nje koncert ne sheshin Skenderbej, ku hyrja do jete me pagese. Koncerti quhet “Shkëlzen Doli – Albanian Soul”.
Ende nuk dihet sa para do t’i japë bashkia e Tiranës violinistit Doli për koncertin në shesh. Bëhet me dije se koncerti do të mbahet më 23 shtator 2017.
Më poshtë, shkrimi i Opinion.al ku ministria e Kultures njoftonte se per koncertin e pare u pagua 166 mije euro.
Më poshtë informacioni i plotë i dhënë nga zëdhënësja e Ministrisë së Kulturës
Ansambli Filarmonik i Vjenës që vjen në Tiranë për koncertin e dates 2 janar drejtohet nga violinisti Shkëlzen Doli dhe përbëhet nga 36 artistë.
Sa shte vlera e shpenzimeve per sjelljen e muzikanteve nga Vjena?
Ministria e Kulturës ka lidhur një marrëveshje bashkëpunimi me violinistin Shkëlzen Doli, të drejtat e të cilit në Shqipëri përfaqësohen me prokure noteriale nga Sadik Llapashtica, administrator i Age Art Production. Shuma e kontratës është 166, 000 euro, likujduar 60% e kontratës, 99, 600 euro.
Ka pretendime se numri i biletave te shitura ne sportel dhe online eshte shume me i vogel se sa u paralajmerua. Si qendron e verteta dhe sa bileta kane qene ne dispozicion te publikut
Duke patur parasysh rëndësinë e koncertit ju bëjmë me dije se numri i biletave të shitura për publikun është mbi 800 bileta. Ndërkohë me kërkesë të Ministrisë së Kulturës dhe bashkëpunim të plotë me Z. Doli dhe Ambasadën e Austrise ne Tirane është menduar një numër biletash për kategori me aftësi të kufizuara dhe nxënësit ekselentë. Konkretisht janë rezervuar 100 bileta për Institutin e të Verbërve, 40 bileta për Liceun Artistik “Jordan Misja” në Tiranë dhe 150 bileta për njerëz të artit dhe kulturës. Biletat e tjera janë në dispozicion për sponsorët e tjerë të këtij bashkëpunimi. Dëshirojmë të theksojmë, se një pjesë e të ardhurave të mbledhura nga shitja e biletave do të shkojë për bamirësi, konkretisht për Fshatin SOS në Shqipëri.
/Opinion.al
