Një servis mjetesh në rrugën “Siri Kodra” në kryeqytet është kontrolluar nga Policia e Tiranës, e cila ka zbuluar aty një sasi lënde narkotike. Ndërkaq, menjëherë i janë vënë prangat djalit të pronarit të servisit, 16-vjeçarit me iniciale E.K, banues në Tiranë.
Policia e Tiranës sqaroi se “arrestimi i tij u bë pasi ai ishte prezent gjatë kontrollit të ushtruar në servisin e të atit, në rrugën “Siri Kodra”, kur në bagazhin e një Benzi, janë konstatuar 7.4 kg kanabis”.
Pas arrestimit, policia ka shpallur në kërkim pronarin e servisit, H.K., babai i të miturit të arrestuar, 42 vjeç banues në Tiranë.
Ata akuzohen për “Prodhim dhe shitje e lëndëve narkotike e kryer në bashkëpunim.”
Shfaq Komentet (0)