Ashtu siç u bë e ditur më herët ka nisur mbledhja e kryesisë së PS-së, ku janë caktuar emrat e kryetarëve të komisoneve dhe ndarja e deputetëve nëpër komisionet parlamentare.
Pas Taulant Ballës, fjalën e ka marrë Kryeministri i Shqipërisë, Edi Rama. Ai e ka nisur fjalën e tij në mbledhjen e grupit të PS-së me një falënderim për kreun e Kuvendit Gramoz Ruçi për punën e mirë që bëri në nisje të punës së parlamentit.
“Falënderoj Gramozin që realisht na ktheu shpresën se në atë sallë mund të ketë sens dhe rregull dhe se aty mund të flitet për njerëzit dhe jo për njeri-tjetrin sa herë të mblidhemi. Dua të nënvizoj një detaj që është shumë i rëndësishëm për fat të keq, ndërkohë që nuk duhet të ekzistonte që fillimi për herë të parë, mesa pyeta edhe disa kolegë, në historinë e kuvendit, i seancave në orën fiks të përcaktuar është një normë që ne do ta respektojnë për 4 vjet. Nëse përfaqësuesit e popullit nuk e zbatojnë atë, atëherë vaj medet për të tjerat”, – u shpreh fillimisht, Rama.
Ndërkohë që janë zbardhur edhe emrat e kryetarëve të komisioneve parlamentare si dhe është caktuar nënkryetarja e Kuvendit, post ky që i eshte besuar Vasilika Hysit. Gjithashtu eshte caktuar Ervin Bushati, sekretar i grupit parlamentar
EMRAT E KRYETARËVE TË KOMISIONEVE PARLAMENTARE
Komisioni i Ligjeve – Ulsi Manja
Komisioni i Ekonomisë – Erion Braçe
Komisioni i Sigurisë – Ermonela Felaj
Komisioni i politikave të Jashtme – Mimi Kodheli
Veprimtaria Prodhuese – Eduard Shalsi
Nëkryetare e Komisionit i Arsimit – Milva Ekonomi
Nënkryetare e Komisionit të Shëndetësisë – Elisa Spiropali
Nënkryetar i Komisionit të Integrimit – Bledi Çuci
Nënkryetare Kuvendi – Vasilika Hysi
Kryesia e PS me 4 nënkryetarë të cilët do të jenë:
Evis Kushi
Elisa Sporali
Vilma Bello
Ilir Beqaj
Axhenda
Anxhendë e ngjeshur sot për deputetët e PS-së. Emrat e kryetarëve të komisioneve që PS do të drejtojë dhe ndarja e deputeteve nëpër komisionet parlamentare janë në fokus të mbledhjes së sotme të grupit dhe të Kryesisë së PS.
Ndërkohë që News 24 ka mësuar sot një risi, teksa Këshilli i Ministrave dhe grupi parlamentar do të nënshkruajnë marrëveshje bashkëpunimi në selinë rozë.
Siç shihet edhe nga foto që sjell GSH.al vendi është gati.
Partia Socialiste mësohet se do të drejtojë 5 komisione parlamentare nga 8 që janë gjithsej. Kreu i grupit parlamentar të PS-së Taulant Balla, i cili mbërriti i pari në selinë rozë, pritet të propozojë 5 emrat e kryetareve të Komisioneve dhe nënkryetarit socialist të Kuvendit.
Nga sa mësohet propozimet pritet t’i bëhen të ditur edhe grupit parlamentar në mbledhjen qe ka nisur. Emrat pritet të votohen në seancën parlamentare të orës 11:00.
Ndërkohë që dje PD dhe LSI caktuan kryesuesit e tyre nepër komisione.