Kapet drogë në portin e Vlorës, trafikantët e fshehën në mënyrë të sofistikuar (FOTOT)

Enrik MEHMETI

Policia Kufitare ka kapur një sasi prej 15 kg hashashi në portin e Vlorës, i cili po trafikohej drejt Italisë. Sasia e kapur ndoshta nuk do të përbënte lajm fare, në një vend ku kapen disa tonelata drogë në javë, por ajo që e bën “interesante” është mënyra e transportimit.

Burime nga policia e Vlorës thanë për GSH.al se hashashi ishte fshehur në mënyrë të sofistikuar brenda disa shufrave, pjesë të dritareve të aluminit. “Blutë” kanë arrestuar shoferin e automjetit dhe kanë sekuestruar drogën.

GSH.al