Bota

Detaje të reja/ Zbulohet skema, ja si grabiteshin makinat vetëm në 2 minuta nga shqiptarët

13.10.17 gsh.al

Detaje të reja kanë dalë në dritë në lidhje me  bandën e hajdutëve të makinave luksoze, pak ditë më parë në Monza, ku në pranga ranë edhe shtatë shqiptarë. Sipas mediave italiane, në burg tani ndodhet edhe kapo i grupit, ndërsa për organizimin e saj, thuhet se secili prej anëtarëve kishte një rol të përcaktuar mirë, duke bërë të mundur vjedhjen e makinave brenda dy minutave.

Kapoja i bandës konsiderohet shqiptari Ditmir B., 31 vjeç. Hetimet kanë zbuluar garazhet që banda përdorte për fshehjen e makinave, dy prej të cilëve në Monza dhe të tjerët në Milano e Rozzano. Garazhet ishin të nëndheshëm, për të penguar lokalizimin me GPS. Aty makinave iu hiqej sistemi i alarmit dhe i gjurmimit satelitar, iu ndryshoheshin numrat e telajos dhe targat, duke u përgatitur për rishitje.

Anëtarët e bandës kishin detyra precize, që nga gjetja e makinave që do të vidhnin dhe gjurmimi i tyre, ndërkohë që me disa pajisje elektronike bëhej çaktivizimi i alarmit, hapja e makinave dhe ndezja e tyre.

Një nga grabitjet e makinave ka pasur edhe një viktimë, italian nga Monza, pronari i një Range Rover të vjedhur në maj.

Deri tani janë 23 vjedhje të vërtetuara, kryesisht makina Range Rover, Audi, BMË e Jaguar, me vlerë 1.750.000 euro. Nga ato, 17 janë gjetur në zonën e Monzas e Milanos, por edhe në provincat e Anconas, Barit, Bergamos, Brescias, Comos, Genovas, Veronës dhe jashtë Italisë, si në Gjermani, Shqipëri e Malin e Zi. Vjedhjet bëheshin kryesisht në aeroportin e Malpensas, por edhe në Milano, Bergamo, si dhe në parkimin e një hoteli në Versilia, ku u vodh një Jaguar.

 

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *