Ministri i Brendshëm Fatmir Xhafaj, në një konferencë kundër trafikimit të personave, ka folur dhe për trafikantet që kanë fituar imunitet nga gjyqtare e prokurore të korruptuar ndër vite. Kjo deklarate vjen në një kohë që ish-ministri i Brendshëm Saimir Tahiri akuzohet si i përfshire në trafikun e drogës së bandës se Habilajve.
“Fjalime të tëra, emisione dhe shkrime pafund adresohen për trafikun e trafikantët, emrat e të cilëve janë bërë temë e ditës më shumë se asgjë tjetër, ndërkohë duhet të flisnim për thelbin e problemit, për mënyrën si do duhet të përballemi me dukuri të tilla që janë dukuri pa ngjyra dhe pa parti, të flisnin shumë më pak disa nga politikanët tanë, që çështjen e luftës kundër trafikut e shohin thjesht si trafik karrigesh pushteti e t’u jepet mundësi të veprojnë njerëzit e ligjit. Të gjithë flasin për trafikun e trafikantët por harrojmë të kërkojmë llogari për njerëzit e ligjit qe në vite janë ridënuar dhe rivrarë për t’i shpëtuar burgun lloj-lloj trafikantëve që lëvizin lirshëm se kanë fituar imunitetin e drejtësisë së korruptuar”, tha Xhafaj.