Është folur shumë për programin e ri të “Tv Klan”, që do të prezantohet nga Marina Vjollca. Pasi u zbulua titulli i tij dhe konkurrentët, mbetet të mësohet vetëm data e fillimit, por duket sikur produksioni ka ende punë deri sa ta vendosë, ndërsa Marina ka vazhduar me muajin e mjaltit. Megjithatë, është publikuar spoti reklamues me një Marinë më sensuale sesa kurrë. Sigurisht kështu vëmendja mbahet në maksimum. E shtrirë në shtrat, veshur me një këmishë mëndafshi, Marina duron fjalët e shpejta të një papagalli dhe duke iu përgjigjur atij zbulon orën e fillimit të programit. Programi “C’est la vie” do të filloj në orën 8 të mbrëmjes, të dielën. Një jastëk i fluturuar mbi televizorin që transmeton ndeshje duket sikur tregon që Marina i ka dhënë fund tashmë programeve sportive dhe të dielën të gjithë ata që nuk i pëlqejnë ndeshjet, kanë një alternativë tjetër në ekran, programin e prezantuar nga Marina Vjollca. Fillon… së shpejti!
Show-Bizz
Publikohet spoti i programit, Marina më sensuale se kurrë
Shfaq Komentet (0)