Këshilli i Mandateve në Kuvend vendosi dje ta bllokojë arrestimin e Saimir Tahirit. E menjëherë pasi është mësuar vendimi i Këshillit të Mandateve në ambientet e kryesisë së Kuvendit ka shpërthyer festa. GSH.al ju sjell fotot e festës së militantëve socialistë me ish-ministrin e Brendshëm. Duket se gjendje ankthi ka përjetuar edhe babai i Saimir Tahirit, Bashkimi. Ky i fundit ka qenë jashtë dyerve të Kryesisë së Kuvendit me “sy e veshë” nga kjo mbledhje, ku vendosej “fati” i të birit.
E si çdo prind, pavarësisht postit, shqetësimi ka qenë tejet i madh, ku mbi birin e tij rëndojë akuza, si i përshirë në trafikun e lëndëve narkotike.
GSH.al sjell një foto, ku babë e bir shihen të përqafuar pas vendimit. Bashkim Tahiri nuk i ka fshehur emocionet…
Anëtarët e PS-së në Kuvend kanë hartuar një raport i cili refuzon kërkesën e prokurorisë për arrestimin e Saimir Tahirit. Në raport bëhet një interpretim që “lejojmë hetimin” e deputetit. Në fakt, prokuroria ka kërkuar arrestimin e ish-ministrit të Brendshëm në mënyrë që të vazhdojë e lirë hetimin.
Kryeministri Edi Rama ka vendosur të luajë fort, ta mbrojë Tahirin nga prokuroria dhe nga presionet e faktorit ndërkombëtar për të hetuar dhe dënuar bandat e drogës.