Dalin pamjet që tregojnë momentin e arrestimit të tre të fortëve në Fier.
Në video shihet se si punonjësit e policisë, të veshur civilë, kanë hyrë në lokalin në pronësi të një prej të arrestuarve dhe kanë ndaluar të tre këta persona.
Arrestimi i tyre u krye mbi bazën e informacioneve të siguruara në rrugë operative se dispononin lëndë narkotike. Mbi bazën e këtyre të dhënave, u ushtrua kontroll në lokalin në pronësi të shtetasit Kujtim Kuçi, në fshatin Fermë Çlirim
Gjatë ndërhyrjes së policisë në ambientet e lokalit janë ndaluar shtetasit Kujtim Kuçit, Bashkim Ahmeto si dhe Dritan Tushës, ku shtetasit Kujtim Kuçi iu gjet dhe sekuestrua një armë zjarri e markës Glock dhe 2 krehra me fishekë.
Shtetasit Bashkim Ahmeto iu gjet dhe sekuestrua 1 pako me lëndë narkotike e dyshuar Cannabis Sativa, 1 armë zjarri pistoletë e markës Glock dhe një krëhër me fishekë. Shtetasit Dritan Tusha iu gjet dhe sekuestrua një sasi lënde narkotike e dyshuar Cannabis Sativa.