Një telefonatë e papritur ka mbërritur në komisariatin e policisë në Cassino të Italisë. “Dëgjohen ulërima nga një apartament në qendër të qytetit”, ky ishte alarmi i ardhur nga telefonuesi.
Kjo bëri që policia të vihej menjëherë në lëvizje duke hyrë në apartament. Sipas mediave lokale agjentët gjetën një grua shqiptare, një rumune, një brazilian dhe një të ri italian.
Nga verifikimet rezultoi se dy vajzat ushtronin prostitucion, duke fiksuar takimet përmes një faqeje online “të specializuar” në internet.
Policia zbuloi gjithashtu se pronares së apartamentit i jepeshin 30 euro në ditë, për të kryer aty aktivitetin e prostitucionit.
Shfaq Komentet (0)
