Një 38-vjeçar ka rënë në prangat e policisë së Ersekës. Burime pranë uniformave blu kanë bërë të ditur se kanë vënë në pranga Klodian Dhëmbin, pasi ka ushtruar dhunë fizike dhe psikologjike ndaj bashkëshortes së tij, shtetases S.DH, 31 vjeçe.
NJOFTIMI I POLICISË
Specialistët e Seksionit për Krimet në Komisariatin e Policisë Kolonjë, bënë kapjen dhe arrestimin në flagrancë të shtetasit:
Klodian Dhëmbi, 38 vjeç, banues në Ersekë.
Arrestimi i tij u bë pasi, më datë 23.11.2017, në banesë, ky shtetas dyshohet se ka ushtruar dhunë fizike e psikologjike ndaj bashkëshortes së tij shtetases S.DH, 31 vjeçe.
Materialet i kaluan Prokurorisë të Rrethit Gjyqësor Korçë, për veprën penale: “Dhuna në familje” parashikuar nga neni 130/a i Kodit Penal.
Shfaq Komentet (0)
