Ka nisur mbledhja në Komisionin e Ligjeve, që do të tentojë sot t’i japë zgjidhje çështjes së Prokurorit të Përgjithshëm. Kjo pasi sot i ka përfuduar mandati Adriatik Lallës.
Mbledhja e Komisionit vjen një ditë pasi kryeministri i Shqipërisë, Edi Rama i bëri thirrje kreut të demokratëve, Lulzim Basha që të bëjnë një pakt të ri të madh që nis pikërisht me zgjedhjen e kryeprokurorit të ri.
Ulsi Manja, kryetari i komisionit tha: “Mandati 5-vjeçar përfundon sot për të, ndërkohë që Kushtetuta aktuale ka parashikuar një rregullim të ri, sipas të cilit prokurori i ri zgjidhet ndërmjet tre kandidatëve për një mandat 7-vjeçar pa të drejtë riemërimit. Formulimi nuk ka parashikuar zgjatjen e afatit, por përfundimin e mandatit të tij 5-vjeçar. Më lejoni të sjell në vëmendje, – tha Manja, – se këtë qëndrim ka mbajtur edhe jurisprudenca e Gjykatës Kushtetuese.”
Vijon…