S’kanë pak muaj që kanë dalë nga shtëpia e “Big Brother”, çifti fitues, Danjeli dhe Fotinia tashmë i janë përkushtuar jetës së tyre të re, dhe kanë nisur punët respektive. Por nuk kanë harruar planet e dasmës, veçse i kanë shtyrë dhe kjo vetëm për një detaj të “vogël”. Ditën e sotme ata i kanë kthyer përgjigje faktit të shtyrjes së dasmës së shumëpritur. Të ftuar në një emision të pasdites, çifti fitues i “Big Brother” ka rrëfyer jetën e re pak muaj pas fitores së show-t. Por nuk i shpëtuan dot pyetjes së të gjithëve: Pse u anulua dasma? “Ne po mendonim ta bëni gjatë verës”, – tha Danjeli duke specifikuar se nuk kanë ndonjë arsye të veçantë, por kanë menduar se ajo është koha më e mirë. Ndërsa Fotinia shton se më 27 maj, ata bëjnë një vit të martuar zyrtarisht dhe ajo kohë do të jetë ideale për të bërë një dasmë të madhe: “Për verë do ishte më mirë, menduam, sepse tani na mungojnë edhe disa njerëz nga familja”, – tha Fotinia. Ndryshe nga sa kanë thënë në rrjetet sociale, çifti e ka anashkaluar faktin se ende nuk kanë marrë paratë e çmimit fitues të “Big Brother” 9. Kushedi se pse ngurruan ta pranonin publikisht! P.A.
