Aktualitet

Gazeta turke akuza të rënda kreut të KMSH: Skënder Bruçaj, njeri i Fetullah Gulenit

12:44 - 05.01.18 Gazeta Shqiptare

Akuza të rënda vijnë nga Turqia kundër kreut të Komunitetit Mysliman të Shqipërisë Skënder Bruçaj.

Është gazeta turke “Yeni Akit”, e cila në një artikull të publikuar këtë të premte e akuzon Bruçajn si person të lidhur me organizatën “FETO”, e njohur botërisht si organizata e armikut të përhershëm të Presidentit Erdogan, Fethullah Gulen.

Shkrimi ka për autor Ayhan Demir, i njohur për përqendrimin në tema që kanë të bëjnë me Shqipërinë, dhe flet për raste të dyshuara të korrupsionit duke akuzuar drejtpërdrejt kreun e KMSH-së.

Sipas tij donacionet e dhëna për ndërtime apo restaurime të xhamive në Durrës, Krujë, apo Pezë janë shpërdoruar

“Pozicioni i mëpasëm i Bruçaj, i cili kryente plotësisht të gjithë direktivat që i jepeshin nga FETO ishte Komuniteti Musliman i Shqipërisë. Bruçaj në vitin 2013 u emërua si ndihmës kryetar nga Këshilli i Komunitetit. Vitin në vijim, duke u treguar si kandidat për kryetar në këshillin e përgjithshëm, kaloi në postin e kryetarit për një periudhë katër vjeçare.

Shkaku më i rëndësishëm i këtij lartësimi të shpejtë ishte efektiviteti i organizatës FETO në KMSH dhe vartësia e pakushtëzuar e Bruçaj ndaj kësaj organizate terroriste.

Bruçaj vijoi të paguajë borxhin e mirënjohjes ndaj organizatës FETO e cila i kishte ofruar çdo lloj mundësie pavarësisht se nuk i meritonte.

Detyrën largimit të atyre që nuk ishin militantë të FETO nga KMSH, detyrë e cila kishte nisur në periudhën e Selim Muçës, Skënder Bruçaj e vijoi me përkujdesjen më të madhe. Ata që u përjetuan në myftininë e qytetit të Librazhdit janë vetëm njëra prej këtyre“, shkruan Demir.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *