Fundjavat tuaja duhet të ndjehen ndryshe nga ditët e javës, gjë që ndodh nëse i përkushtoheni aktiviteteve dhe pasioneve të ndryshme që nuk keni kohë për ti bërë gjatë javës.
Shkrimtarja Laura Vanderkam, në librin e saj “Çfarë bëjnë njerëzit e suksesshëm para mëngjesit” vë në dukje se personat e suksesshëm i kushtojnë rëndësi aktiviteteve në fundjavë.
Sipas Vanderkam, aktivitete të ndryshme në fundjavë mundësojnë që mendja dhe trupi juaj të shërohen nga streset tipike që hasni gjatë javës.
1-Planifikoni se si do e kaloni fundjavën tuaj, duke listuar aktivitetet dhe oraret pasi në të kundërt do të përfundoni duke shpërdoruar kohën e lirë.
2-Të shtunën mbrëma kushtojani ndonjë aktiviteti argëtues, si p.sh. të kërceni apo të konsumoni një gotë me miqtë, duke pasur pushim ditën e diel.
3-Maksimizoni mëngjeset tuaja, duke u ngritur herët dhe ushtruar.
4-Krijoni tradita me familjen tuaj, si p.sh. e premtja për pizza apo petullat e mëngjesit ditën e diel.
5-Kushtojini rëndësi gjumit të pasdites, duke i dhënë mundësi trupit për të pushuar dhe për të ndjekur aktivitete të tjera në mbrëmje.
6-Shfrytëzoni fundjavën për të bërë gjithë pazaret e nevojshme për javën.
7-Argëtohuni duke luajtur lojëra të ndryshme dhe hiqni dorë nga përdorimi i teknologjisë.
8-Kushtojuni vëmendje mësimit të një sporti të ri, gjuhe të huaj apo të ndiqni pasionet tuaj.