Pas deklaratës të bërë sot nga ambasadori amerikan Lu, ku u shpreh se për çështjen Tahiri hetimet mund të bëhen nga prokurorë të FBI, ka reaguar deputeti i PD, Agron Shehaj.
Përmes një statusi në rrjetin social “Facebook”, Shehaj shprehet se e mbështet iniciativën e ambasadorit amerikan, dhe se kjo gjë është e domosdoshme.
Sipas deputetit të PD-së, drejtësia në vendin tonë nuk mund të hetojë krahun e djathtë të kryeministrit Edi Rama, pasi edhe ai vetë është i përfshirë.
Postimi i plotë i Agron Shehajt:
Nuk dënohet Tahiri pa Ramën Jam shumë mirënjohës ndaj Ambasadorit Lu dhe e shoh te domosdoshme përfshirjen e FBI në hetim. Kush ka besim që Rama mund të hetojë ish-krahun e tij të djathtë? Ai e ka të qartë që po u dënua Tahiri do dënohet edhe Rama dhe shokët e tij.