“Ka rrezik që pa një perspektivë të qartë evropiane, mund të vijë tek ashpërsimi serioz i situatës në Ballkanin Perëndimor” ,kështu është shprehur Presidenti i Komisionit Evropian, Jean Claude Juncker,
Sipas tij, e rëndësishme që Bashkimi Evropian t’iu sigurojë perspektivë të qartë evropiane vendeve të Ballkanit Perëndimor.
I ndodhur në Sofje, Juncker në një konferencë të përbashkët me kryeministrin e Bullgarisë, Bojko Borisov, u shpreh:
“Me fjalë të tjera, ka rrezik që në këtë rajon shumë të komplikuar të Evropës mund të shohim ngjarje që do t’i kthenin gjërat në fillim të viteve ’90 të shekullit të kaluar. Natyrisht se ne nuk duam që kjo të përsëritet”.
Ai mori pjesë në një ceremoni që ka organizuar Bullgaria me rastin e marrjes së presidencës së radhës së BE-së.