Një test alkooli ka rezultuar fatal për një shofer në Tiranë, teksa i është bllokuar leja e drejtimit.
Kështu, gjatë mbrëmjes së djeshme, policia Rrugore e Tiranës ka vijuar aksionin për kontrollin e drejtuesve të mjeteve, teksa kanë qenë të instaluar pranë Muzeut Historik Kombëtar.
Në një video të shpërndarë nga policia në rrjetin social, shihet momenti kur polici i afrohet një shoferi dhe i kërkon të bëjnë testin e alkoolit.
Ndërsa i tregon mënyrën se si duhet të veprojë me aparatin e matjes së sasisë së alkoolit, shoferi nis të fryjë dhe rezulton të kishte konsumuar alkool mbi normën e lejuar, 0.24 mg/l.
Polici i komunikon se ka kaluar masën, ndërsa i kërkon të mos lëvizë lëvizë nga mjeti deri në përfundim të procedurave përkatëse, duke e njohur edhe me masën e bllokimit të lejes së drejtimit.