Kryesore

Paralajmërimi i Ramës për PD dhe LSI: Do ta fitojmë betejën e 27 janarit!

13:09 - 14.01.18 Gazeta Shqiptare

Kryeministri i Shqipërisë, Edi Rama nga pallati i sportit “Asllan Rusi”, ka deklaruar se qeveria ndodhet përballë një beteje të fortë, asaj të protestës së opozitës, në fund të këtij muaji.

Në 26-vjetorin e FRESH Rama ka theksuar se ka shumë për bërë në të gjitha drejtimet.

“Ju kujtoj se kemi dhe shumë për të bërë akoma, vajza e djem. Kemi bërë shumë, por ka ende shumë për të bërë në të gjitha drejtimet dhe mos harroni që ka së shpejti një betejë për të fituar në gjithë Shqipërinë. Një betejë për ta fituar përballë të gjithë pjesës tjetër të politikës, që janë bashkuar jo për Shqipërinë, por për veten, për të penguar drejtësinë.

Shqiptarët e kanë ndjerë dhe kuptuar se ishte koha për t’ia besuar të gjithë drejtimin e vendit të vetmes parti të ndërgjegjshme të këtij vendi, PS. Kjo është një sfidë, jo dhuratë, aq më pak është trofe për ne socialistët dhe progresistët.

Është një sfidë me vetveten, sfidë përballë influencave të së keqes në politikë, që i shohim dhe i ndeshim në të gjitha nivelet e organizimit tonë për t’i dhënë vendit drejtimin e duhur dhe mundësinë për t’u ulur në tryezën e negociatave me BE dhe të bëhet anëtar i familjes evropiane.

Ne duhet të jemi kokëulur”, – ka theksuar Rama.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *