BOTA

Emri i Maqedonisë, protesta masive në Selanik

22:06 - 21.01.18 Gazeta Shqiptare
GSH APP Download on Apple Store Get it on Google Play

Është shoqëruar me përleshje tubimi i madh në Selanik kundër negociatave mes Athinës dhe Shkupit, për emrin e Maqedonisë.




Grupe huliganësh qëlluan me fishekzjarre forcat e policisë, që ishin pozicionuar përreth sheshit qëndror të qytetit për mbarëvajtjen e tubimit.

Rreth 400 mijë njerëz nga e gjithë Greqia morën pjesë në këtë manifestim që bëri bashkë përfaqësues të partisë më të madhe në opozitë Demokracia e Re dhe partnerët kryesorë të qeverisë Cipras, Grekët e Pavarur.

Fjalimet hapëse e tubimit u mbajtën nga mitropoliti i Selanikut, Anthimos dhe guvernatori rajonal i Maqedonisë Qëndrore Apostolos Cicikostas.

Shumë prej të pranishmëve mbanin veshje tradicionale, që simbolizojnë periudhën e Aleksandrit të Madh të Maqedonisë, përkatësia historike e të cilit  është shndërruar në mollë sherri mes grekëve dhe maqedonasve.

Protesta pason bisedimet e rinisura këtë javë në Nju Jork mes Athinës dhe Shkupit për çështjen e emrit të Maqedonisë. Mediat thonë se ndërmjetësuesi ndërkombëtar Methju Nimiç u paraqiti palëve disa alternativa që përmbajnë fjalën Maqedoni, të tilla si “Republika e Re e Maqedonisë” apo “Republika e Maqedonisë Veriore”.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.