Lori Hoxha, gjatë ditës së sotme është ndaluar nga policia. Ajo drejtonte makinën e të dashurit të saj, Vis Bajraktari, një Mercedes G Class i zi, me xhama të zinj.
Të parët që e kanë pikasur këtë shkelje, ishin forcat “Shqiponja”, teksa makina kaloi pranë urës së Drejtorisë së Policisë së Tiranës. Qarkullimi me automjete që i kanë xhamat e zinj, është i ndaluar në Shqipëri.
Gazeta express shkruan, se për këtë arsye, pasi është ndaluar nga efektivët e forcave “Shqiponja”, aty kanë mbërritur edhe policët rrugorë, për të marrë masat penalizuese për xhamat e zinj. Mediat rozë shkruajnë se mjeti i të dashurit të saj është blerë në qershor të vitit 2017.
Nëse jeni kuriozë të dini çmimin, këtu duhet të mbani frymën. Makina Mercedes G Class e vitit 2017, kushton 120 mijë euro.
