Pesë nxënës të një shkolle 9-vjeçare në Durrës kanë përfunduar në spital, pasi janë helmuar. Bëhet fjalë për nxënësit e klasës së pestë, me iniciale L.R, K.N, L.L, F.Xh dhe F.H, që të gjithë 11 vjeç.
Burime nga policia bëjnë me dije se nxënësit kanë ndjerë shqetësime me dhimbje e të vjella, duke bërë që të miturit të shtrohen me urgjencë në spitalin e Durrësit.
Nga hetimet dhe dëshmitë e mbledhura, rezulton se të miturit, gjatë pushimit kanë blerë dhe konsumuar disa produkte ushqimore si byrek, hamburger e sanduiç, çka dyshohet të ketë shkaktuar edhe helmimin.
Për këtë arsye ka nisur hetimi nga ana e autoriteteve të Durrësit.
Ndërkohë, pas marrjes së ndihmës mjekësore, mësohet se gjendja e nxnënësve është normalizuar dhe se ata tashmë janë janë jashtë rreziku për jetën.