Një shtëpi në fshatin Cakran të Fierit ka rënë ‘pre’ e gravitësve. Po sikur të mos mjaftonte kjo, hajdutët kanë dhunuar dhe djalin 8-vjeçar, ndërsa i kanë kërkuar me insistim atij vendndodhjen e parave.
Duke qenë se nuk i kanë gjetur, ata kanë lënduar të miturin, duke e çarë në dorë, vetëm e vetëm që ai t’u tregonte vendndodhjen e parave. Pasi nuk i kanë gjetur paratë, hajdutët janë larguar.
Uniformat blu të Fierit kanë bërë të ditur se dy persona të paidentifikuar janë futur në banesën e shtetasit L.H, 42 vjeç dhe kanë dhunuar fëmijën e tij 8-vjeçar.
Mësohet se fëmija është dërguar në spital, ku ka marrë mjekimin e nevojshëm, ndërsa tashmë ndodhet në banesë.
Ndërkaq, policia po punon për identifikimin e autorëve.
Shfaq Komentet (0)